دائماً أفضل لما ازور اقاربي اجيب معاي اكله بسيطه ... وفي العصريات مافي اجمل من الكيك مع الشاي ...
كعك المادلين هي الأشهر بفرنسا ويعتبرونها من التراث القومي .. ما ألومهم ... اعتبرها فرنسيه بجداره لسبب واحد.. ايش أجمل من إنك تقدمي الكيك بهذا الشكل الجميل .. كل وحه تاخذ حبه وتستمتع بطعمها الليموني الشهي ...
اعدادها ما يتطلب حرفنه أهم شي يكون عندك قواب كعك المادلين على شكل الصدف... ممكن تحطيها في قوالب الكب كيك بس للأسف حتى طعمها بيختلف ...
المقادير
٤ بيضات
٣/٤ كوب سكر ناعم
١ كوب دقيق منخول
اصبع زبده
فانيلا
بشر ليمونه او برتقال
١ ملعقه صغيره بيكنق باودر
الطريقه
- ذوبي الزبده واتركيها تبرد ( فيه طريقه ثانيه ويقولون انها الاصليه وهي تذوبي الزبده لين يصير لونها بني ) للأسف ما عرفت بهذي المعلومه الا بعد ما عملتها المره الجايه اجربها
- اخفقي البيض مع السكر لين تتكون لك الرغوه
- أضيفي بشر الليمون والفانيلا وذره ملح
- بعدها اضيفي الزبده الذائبه وحركي المزيج بملعقه وبعدها الدقيق
- مسأله البيكنق باودر انا احطها عشان اتاكد من نفشتها .. بالعاده يقولون خلي الخليط لربع لنص ساعه وهي راح تنفش
- ادهني القوالب بزيت ودقيق وامليها لثلاثه ارباع لانها راح تنفش
- دخليه في فرن مسبق التسخين على ١٨٠درجه من تحت ليت تشقر حوافها حوالي ٨ دقائق وبعدها شغلي من فوق لتشقيرها
- رشيها بسكر بودره للتزيين
المشاركات
0 التعليقات: