تقيمي لعدسات ديسيو الايطاليه مقابل عدسات سولوتيكا البرازيليه. Desio VS Solotica eye contact

مو من النوع اللي يحب تغيير لون عيونه .. لان في النهايه الوحده بتسألني وش لون عدساتك هههههههه.
بس شفت في الانستقرام شكل عدسات سولوتيكا على ممثلات وعارضات حسيتهم من جد شكلهم طبيعي .


اشتريت سولوتيكا بالاول من موزعه بس للاسف بعد ما شريتها دورت في مواقع ثانيه لقيتها مغليه السعر حبتين . نفسي من الموزعات يتقو الله في نسبه الربح مو توصل ٢٠٠٪ .
دخلت موقعهم لقيت عندهم موزعين معتمدين من عندهم فأفضل التعامل معهم أكيد 


اللون اللي اشتريته Ocre  

أول شيء العدسات مريحه من جد اللي كنت استخدمها اول احسها تحك في القرنيه ،هذي مريحه جداً
اللون اللي اخترته الصراحه طلع طبيعي جداً لكن للأسف كان شوي غامق لو أخذت افتح بدرجه لان عيوني لونها بني غامق جدا .
أفضل شي فيه انه يغطي القزحيه كامله وهذا يخلي العين أوسع شكلاً.

اما عدسات ديسيو  شفتها مؤخرا على الانستقرام ولقيت لهم موقع يبيع اون لاين طبعاً.وصلوه عن طريق البريد السعودي. 
العدسات سعرها 270 RS . انا شفت العدسات على عارضات لها بالانستقرام وحاولت اشوف وحده عينها غامقه مره عشان تكون اقرب على عيني 
العدسات مريحه مثل سولوتيكا تعليبهم للعدسه حلو وفخم يعطيكي انطباع عن تصنيعها .
اشتريت لونين 

DESERT DREAM plano

INNOCENT WHITE plano

 الصدق صح طلعو اوضح من سولوتيكا بس احسها قويه شوي ،يمكن لاني مو من اللي يلبسو عدسات دائما ،بس عن اللون اوضح بكثير عن سولوتيكا لكن للي ما يحب تكون واضحه يمكن سولوتيكا افضل 

الألوان ما عندهم خيارات كثيره للاسف ونفسي يحطون صور اوضح ل اللون في عيون مختلفه .

أنا اكثر ارتحت لسولوتيكا بس راح اشتري يا كوارتوز اوقرافيت .