خبز الشيباتا الايطالي

فيه مقوله تقول اعطي المشغول عمل سينجزه او من هذا القبيل ههه مافي امل احفظ مثل صح 

المهم لان عندي اختبار والوقت صار ضيق جدا جدا قررت اسوي خبز الشيباتا 

هذا الخبز احبه آكله كل مره اسافر ، بعض الاحيان انقنق عليه ، طعمه جنان

قلت ليش لا سويه .. اممم طلع الموضوع مو بس خبز

شيباتا يعني الله يكرمكم الشبشب او صندل المقصد انها مستطيله وبس 

فتحت كل موقع ويوتيوب عشان اشوف انسب طريقه 

المهم سويتها بس استعجلت عليها.. لاحظت اني انسانه سريعه في الطبخ وما عندي صبر فعشان كذا ابغا اتعلم العجن والخبز عشان يكون عندي صبر واستمتع بالطبخ 

فيه مدرسه انتيرناشونال في ايطاليه لتعليم فن الخبز والعجن باذن الله اروح لهم واتفرغ بس للعجن احسه شي مريح وفيه فن وأصاله

عالعموم هذي هي خبيزتي .. ممكن تنحشي بالدجاج او اللحم لانه يمتص المرق كويس 

اذا اعجبتكم اعطوني خبر لانزل الوصفه لانها طويله حبتين او تقدرو تستمتعو بالصور