اختبارات على الشباك

بعد شهر من الآن عندي اختبار الجزء الأول لتخصصي . كالعاده اقول لنفسي بأذاكر أول بأول بس للأمانه مافي فائده مني ولا من بنتي. كل خططي تخرب إلى آخر دقيقه . عالعموم راح انقطع للاسف عن الكتابه لفتره من الزمن لاستعد للاختبار ، واريد منكم الدعوات الخالصه بان انجح بتقدير مرتفع بإذن الله .
وبعد هذا الاختبار عندي اختبار اخر بعده بشهر يعني شهرين من التركيز المستمر اللي اصلا افقده في حياتي التركيييييز.
عندي مخططات كثيره نفسي اسويها بعد ما اخلص امتحاناتي.
- اكمل تعلمي ل اللغه الفرنسيه ، عندي اساسيات كويسه وافهم اذا احد تكلم بس ينقصني الكثير من تركيب الجمل ومزاولتها ان شا الله 
- ارسم ارسم ارسم . مشكلتي انقطاعي الدائم عن اكثر شي احبه وهو الرسم ومزاوله الفن والمشكله يتقطع قلبي لما اشوف غيري كمل طريقه وصار بارع في الرسم .
اشتقت لريحه قلم الرصاص للالوان الزيتيه لفكره الابداع والخروج من العادي والمتوقع .
- أقرأ كتب غير كتب تخصصي ، احتاج استشير احد يختار لي كتب معينه .
مشكلتي انني ملوله يعني أمِلْ بسرعه في قرائه الكتب ما احبها تكون كثيره الصفحات ولا احب كثره تنميق الكلام ولا كثره الاحداث ، احتاج كتاب بسيط يسليني بسرعه واغير من كتاب للثاني ويعطيني انطباع اخر للحياه .
أشياء كثيره نفسي اسويها ان شاء الله بعد ما اخلص اختباراتي على خير بإذن الله
دعواتكم