لازم ننزنق

يعني لازم انزنق في آخر كم يوم .

بعد بكره اختباري دعواتكم .... بدل ما اجلس اراجع قصدي اذاكر من جديد لاني ذاكرتي ما شاء الله ما تحفظ اكثر من يومين .... حبكت يعني شوي بنتي تمرض :( 

حبيبه ماماتها بين كل الايام اختارت تحبكها صح ... قلت يمكن دلع بنات جلسنا يوم بأدوية .

اليوم اللي بعده لا ما استحملت عالمستشفی . يا قلبي ع اللي يمرضو من جد مرمطه مع طفل .

انا اصلا شكيت ان بنتي مو طبيعيه ... من عرفت انها تقدر تجلس حس عين احد ينومها علی ظهرها ههههه لا وبدأت تعرف معنی انو احد يشيلها بس لسا ما استوعبتها الحمد لله . فحبيبتي اول يوم وهي نايمه ومافي جلوس ولا صياح ولا تطلب زايد . 

بيني وبينكم فرحت ومافكرت انها مريضه قلت يا رب بنتي هديت اخيرا... للاسف طلت العكس. . المهم انا جالسه في المستشفی شكلهم يبغو ينوموها او مدري . 

الحين ما اعرف متی ح اراجع ... 

اشوف حريم كبار يطالعو فيني اش هذي الام اللي عينها في التاب .. يعني مدري احط لوحه فوق راسي اقول عندي اختبار بعد بكره خخخخخخ من جد محد يرحمك دامك شايله يا الجوال او تاب انتي في القائمه السوداء .

علی طاري الجوال في مناوباتي اعاني واقولها بشده اعاااااااني من مرافقين المريض . المريض اسمه مريض مسكين يبغی علاج وراحه بس المرافقين البلا بحد ذاته .. عاد تعالو اذا شافوني ماسكه الجوال اكلم او اكتب اسمع الكلمه تلطشني علی طول ( مخليه المريض وقاعده عالجوال ) يا ناس معليش مين اتو عشان تحكمو .

يعني خليت عائلتي وراحتي ومناوبه عشان اجلس احكي واحش وافصفص بالمره . جايه عشان المريض ماسكه جوالي يا اكلم دكتور-ة  او احتاج شي او احسب كميه علاج .. بالله بلاش سوء الظن اللي ماشيين فيه بحياتكم .

عالعموم حسيت اني كتبت كثير وفضفضت بالمره من حاجه دائما اشوفها يمكن حد يراجع نفسه بعد كلامي.

دعواتكم لي 

السلام عليكم