مشتريات عالسريع من سيفورا ♥♥

السلام عليكم ورحمه الله ♥♥
كل المنتجات اللي بالصوره اتوقعكم تعرفوها او نصها .. راح اكتب اليوم عنها مع اني الصراحه ابعد ما يكون عن الميك اب .
المشكله لما ادخل سيفورا تطلع من عيني قلوب قلوب على كل شي .
ابغا اشتري المحل كله ... بس هل انا استخدمهم ... هنا الكلام

أهم شي كنت اريده هو باليت الظلال من سماش بوكس 

عاجبتني الألون اللي مختارينها ... عندي نيكد واحد واثنين بس لقيت ان هذا الباليت يجمعها كلهم واقدر استخدمها في كل وقت...تغطيتها وثبات اللون جداً رائع وكمان ممكن تخلي اللون مركز باضافه شويه مويه على الفرشه 

• اخذت باليت كونتور كريمي من اناستازيا درجه الميديوم ... الصراحه ما استفدت منه كثير...ما حبيت الكونتر أصلاً ... يمكن بس كذا درجه استخدمتها لتحت العين وبس ...
• الشي الثاني جل الحواجب كمان من اناستازيا ... كان عندي القلم ومره حبيته وقلت اشتري الجل ... هو حلو وعلى طول يطلع اللون ويمكن هذا الشي اللي ما اعجبني ... كان القلم يعطيني فرصه اغمق براحتي .. هذا لا سحبه الا طله اغمق شي .. فشوي متعبني 
• ثالث شي بوبي بارون كوريكتور درجه مشمشي فاتح من خد خورافي .... احب الكونسيلر اللي يكون خفيف ويغطي حلو ... مافي مثل بوبي براون 

اخر شي الارواج من ايفسان لوران لادي دول ... هو عباره عن روج وتقدري تستخدميه بلاشر كريمي ...
اصراحه حلو كثييير ... الروج على مات لكن يخلي الشفايف رطبه .. انا ما استخدمته ل بلاشر الا لما اكون معزومه شنطتي تكون صغيره.. اشوفها تأدي بالغرض ....


هذي كانت مشترياتي عالسريع دخلت المحل عشان الشدو .. طلع بكذا حاجه هههههههه

اشوفكم على خير ♥♥