My travel bag essential أساسيات لوازم السفر في شنطتي

مخططه لسفريه قريب بإذن الله وان شاء الله احط عنها بلوق يعجبكم وتستفيدوا

الاغراض اللي ناخذها كثيره والا ما ننسى شي ..فكرت اعمل موضوع بالاساسيات اللي لازم تكون معي بالسفر... من الافضل تسوين لسته بيها عشان بكذا تكوني منظمه اكثر 

نبدأها حبه بحبه ...

في شنطتي اللي اشيلها بالطياره 

اخذ محفظه صغيره احط مناديل منظف للوجه ،كونسيلر،مسكره،روج مرطب،وكحل  وكريم مرطب
بس ادخل الطياره امسح وجهي وحط الكريم الى قبل الهبوط بشوي بعدها اغسل وجهي واحط شويه ميك اب
كمان معاي شاحن متنقل من جد يفك ازمات ولا اقعد ادور فيش كهربا ولا شي اشحنها من قبل وخلاص قلبي مرتاح 

هذي الدبابيس احبها كثير
تحافظ على ترتيب الاسلاك عندي ،من سلك الشاحن ،السماعات وشاحن الكام

اما شنطه السفر الاساسية

أولا لوازم الحمام

1_حاويات الشامبو والبلسم
طبعا اغلبيتنا نروح فنادق بالسفر ويوفرون الشامبو والبلسم وحتى الاغراض الشخصيه ، بس عني انا احب استخدم الشامبو اللي ارتاح فيه والبلسم وكمان كريم الشعر
هذي الحاويات اشتريتها من أمازون (راح احط رابط كل شغله عندي بنهايه الموضوع لو حابين تشترونها او تدوروا شي مثلها )

ميزتها انها اول شي سعتها كبيره فأقدر احط الكميه اللي تناسبني وكمان انها مرنه يعني مو بلاستيك قاسي لا مطاطي فيعطيكي مرونه تاخذين لاخر قطره وكمان فتحه التعبئه واسعه يعني مافيه تلاطيش من هنا والا هناك . 

احب احط فيها الشامبو وغسول الوجه وكريم الشعر لان هذي اكثر الاشياء استخدمهم وما استغني ابدا .بامكانكم تلاقون باشكال واحجام مختلفه 

2_ تونيك للوجه 

مع الشمس والرطوبه وحتى بس تغير الجو تعالو شوفو الوجه يا لطيف . افضل تونيك استخدمه وكمان استخدمه لتنظيف الميك اب هو from bioderma H2O
ما راح اجيب البيت معاي منظف المكياج h2o يستخدم كمان ك تونيك .اشتريت عرض اثنين وواحد صغينون مجانا وصرت اعبي الصغير كل مره اسافر فيها او حتى احتاجه في طلعه .

3_ مرطب وواقي للوجه

الترطيب لازم منه صيف شتا مطر ثلج ما تفرق بمجرد ما تبدا البشره تجف تبدأ الغدد الدهنيه تفرز الكثر وشوفي الوجه والحبوب
انا استخدم مرطب الوجه من كاليز اقدر القول هو افضل مرطب مشى مع بشرتي .بشرتي للاسف اللي اذا اعطيتها وجه في الترطيب تطلع حبوب فلازم ترطيب خفيف مره

4_فرشه اسنان ومعجون
اكيد طبعا بس حابه احطه في اللسته لاني بعض الاحيان مع العجله والتاخير في ترتيب الشنطه انساهم 

6_ قطن للوجه والاذن
مو دائما الاقيهم في الفنادق افأفضل اجيب معاي شوي ولا اني اروح الصيدليه اجيب وحده كبيره 

7_ موس حلاقه 

ما ادري ليه بس تاجي اوقات تطلع شعره من هنا والا هناك . هذا الموس حبيته مره صغنون وفي علبه لوحده وفيها فتحات عشان التهويه حبه تكفي للطوارئ.

8_ مزيل للعرق 

انا استخدم هذا المنتج . حبيته لانه طبي وما يسبب حساسيه او اسمرار

9_ بنس الشعر
يعني لو ما اجي بدونها مدري كيف اكمل سفريتي وانا مرتاحه . لازم لازم منها مع كم مطاط وكم كليب .

10_

كنت اخذ معي بلاستر عشان جروح الرجل لكن الآن تطورت وصرت اجيب تيب طبي عشان ما اتورط في اي وقت واي مكان فكي وحطي شي جديد

بكذا خلصنا شنطه الحمام انا اشتريت هذي المحفظه فيها تقسيمات ومريحه وممكن ازيد عليها اغراض المكياج اللي احتاجها

الشي الثاني محفظه الاكسسوار . اشتريتها من امازون كمان ،انا متاكده لو تعبت حالي شوي راح لاقيها في محلاتنا بسهوله .

اعجبتني لانها تاخذ كذا شيء من ساعات حلق خواتم وسلاسل وطريقه فتحها وعرض الاغراض فيها سهل ومريح جدا

بس يبقى اكياس الجزم وانتو بكرامه وبقيه الاشياء على حسب اللي تفضلينه

انا اعتبر هذي من الاساسيات وبعض الاحيان اكون مجهزه شنطه فيها كل الاغراض ما تنفتح ابدا وقت السفر او كشته سريعه اخذها معي وانا متطمنه

ان شا الله استفدتو بطريقه ترتيبي

يهمني رأيكم .... مع السلامه

روابط الشراء

http://www.amazon.com/gp/product/B00SHBN27C?psc=1&redirect=true&ref_=od_aui_detailpages00

http://www.amazon.com/gp/product/B002VS8H3G?psc=1&redirect=true&ref_=oh_aui_detailpage_o00_s00

http://www.amazon.com/gp/product/B00I5H5Z1O?psc=1&redirect=true&ref_=od_aui_detailpages00

http://www.amazon.com/gp/product/B00NX835DU?psc=1&redirect=true&ref_=od_aui_detailpages01

http://www.amazon.com/gp/product/B00LIR2YR6?psc=1&redirect=true&ref_=od_aui_detailpages00