وقت الشاي - التعبير عن المشاعر

 VERIAوانا افتر في القنوات عالعصر لقيت قناه اسمها 

قناه جميله اهدافها حلوه مثل الحياه، الصحه، الفن والتعرف على الذات

في وحده من حلقات كان مركز لتدريب الفنانين اللي يعانون من متلازمه الداون . اعجبتني طريقه تعبيرهم بالرسم ، وكيف يعبرون عن نفسهم بالكتابه

خبز الشيباتا الايطالي

فيه مقوله تقول اعطي المشغول عمل سينجزه او من هذا القبيل ههه مافي امل احفظ مثل صح 

المهم لان عندي اختبار والوقت صار ضيق جدا جدا قررت اسوي خبز الشيباتا 

هذا الخبز احبه آكله كل مره اسافر ، بعض الاحيان انقنق عليه ، طعمه جنان

قلت ليش لا سويه .. اممم طلع الموضوع مو بس خبز

اختبارات على الشباك

بعد شهر من الآن عندي اختبار الجزء الأول لتخصصي . كالعاده اقول لنفسي بأذاكر أول بأول بس للأمانه مافي فائده مني ولا من بنتي. كل خططي تخرب إلى آخر دقيقه . عالعموم راح انقطع للاسف عن الكتابه لفتره من الزمن لاستعد للاختبار ، واريد منكم الدعوات الخالصه بان انجح بتقدير مرتفع بإذن الله .
وبعد هذا الاختبار عندي اختبار اخر بعده بشهر يعني شهرين من التركيز المستمر اللي اصلا افقده في حياتي التركيييييز.
عندي مخططات كثيره نفسي اسويها بعد ما اخلص امتحاناتي.
- اكمل تعلمي ل اللغه الفرنسيه ، عندي اساسيات كويسه وافهم اذا احد تكلم بس ينقصني الكثير من تركيب الجمل ومزاولتها ان شا الله 
- ارسم ارسم ارسم . مشكلتي انقطاعي الدائم عن اكثر شي احبه وهو الرسم ومزاوله الفن والمشكله يتقطع قلبي لما اشوف غيري كمل طريقه وصار بارع في الرسم .
اشتقت لريحه قلم الرصاص للالوان الزيتيه لفكره الابداع والخروج من العادي والمتوقع .
- أقرأ كتب غير كتب تخصصي ، احتاج استشير احد يختار لي كتب معينه .
مشكلتي انني ملوله يعني أمِلْ بسرعه في قرائه الكتب ما احبها تكون كثيره الصفحات ولا احب كثره تنميق الكلام ولا كثره الاحداث ، احتاج كتاب بسيط يسليني بسرعه واغير من كتاب للثاني ويعطيني انطباع اخر للحياه .
أشياء كثيره نفسي اسويها ان شاء الله بعد ما اخلص اختباراتي على خير بإذن الله
دعواتكم

الرضاعة الطبيعية

بنتي الآن خلصت الشهر السادس والحمد لله بصحه وعافيه الله يديمها علينا .
لكن عندي شعور بالذنب عظيم اني ما رضعتها الا شهرين !! اعرف طبيبه وما رضعت بنتي رضاعه طبيعيه للأسف نعم.
وانا حامل قررت ارضع طفلي سنه كامله من حليبي ولا غيره بس للاسف ما خططت للموضوع كويس، عشان كذا كتبت هذا الموضوع يمكن احد يستفيد من تجربتي .

يوم الكمثرى

اليوم اشتهيت الكمثرى بقوه ولقيت كمثرى صغيره من افريقيا على قولتهم قاسيه بس حاليه مررره